Artikel I Kids

CERITA LOGAT MALUKU
YESUS BAJALANG DI ATAS AER

  Habis kajadian Mujizat Yesus kasi makang 5000 orang, Yesus parintah murid-murid for nai parahu kamuka, lalu Yesus suruh orang banyak pulang, pas orang banyak su pulang Yesus pi di bukit for sumbayang sandiri. Pas malam hari Yesus su sandiri. Sedangkan murid-murid su paleng jauh paskali,bale ada omba basar lai. Kira-kira jam 3 malam Yesus datang for dong sambil bajalang di atas aer.

     Waktu murid-murid lia Antua bajalang di atas aer dong kaget, lalu dong tabaus itu hantu, lalu bataria karena taku punk karja, tapi Yesus bilang tenang Beta ini, jang taku.
   Lalu Petu bilang Tuhan kalo memang itu Engkau suruh Beta bajalang di atas aer, kata Yesus datang sudah, maka Petu turung dari parahu la bajalang atas aer for mendapatkan Yesus.
   Pas Petu rasa anging tiop, dia taku sampe hampir tenggelam, lalu bataria Tuhan tolong Beta, lalu Yesus kasi tangang for tolong Petu, lalu bilang, hai orang yang kurang parcaya,mengapa bimbang.
   Lalu dong nai parahu, lalu anging stop, lalu orang-orang yang ada di parahu menyembah Yesus katanya ternyata batul Engkau Anak Allah.